12.19.06
小結@學習篇
除左識左好多新朋友仔之外, 咁就梗係要講下我學左d乜, 睇左d乜野啦
無其他人會比佢自己更加了解佢自己
所以其他人可以比意見, 但係唔應該否定佢o既思想性格行為動機
千其唔好用d客觀表象去斷定一個人o既思想性格行為動機
見到一個人捐$$買旗, 唔代表佢一定有善心, 可能佢只係覺得d散紙太重, 費事袋咁多
一個人可憐o既唔係因為佢識得少, 而係佢自以為識得比其他人多
呢個世界有太多人利用左佢o既專業資格而扮專業去橫行霸道, 妖言惑眾
結果誤人子弟, 兩敗俱傷
放開自己o既主觀意見, 接受各色各樣o既觀點, 去真正做到有容乃大
無一個人識得哂所有野, 而呢個世界亦冇一套theory 係perfect,可以解釋哂所有野
所以不如用多d隻耳仔去聽, 少d用把口去講, 到最後發現o既會更多
一個人會有好多唔同o既方法行為去表現各種思想意願
所以同一樣o既行為, 都可能代表住背後唔同o既目的,動機
千其不單止要聽其言觀其行, 而且仲要明白各自o既取向立場
內心o既富庶係被人體現出黎, 而唔係講出黎
只有自卑o既人先會講以前o既豐功偉業去取得其他人o既認同
好多內地o既同學睇上去冇乜特別, 普通人一個, 點知好多都係猛龍過江
傾傾下計先知佢地係某某地產發展商, 開酒店, 大公司總裁
所謂真人不露相, 露相非真人
專業資格有唔少時候同專業都有差距
有時, 特別係trainer 呢個要有高度溝通能力o既行業
有好勁o既專業資格唔等於教得好
