Any Dream Will Do…
我一向都有自己同自己講野o既習慣… …
尤其係沖緊涼, 睇緊書, 一個人行o緊路o既時候… …
除左用廣東話, 我仲會用英文同普通話同自己傾計… … [唔好笑我呀!!!]
傾傾下, 我又會笑, 又會喊, 又會嬲, 又會好舒懷… …
我一直都覺得冇乜問題, 點知原來我不知不覺間會越講越大聲….
有時仲會哈哈咁大笑左出黎tim… … : )
但係當我發覺有一次我self-talk o既時候, 有兩個人迎面而黎, 咁當佢地行過我身後o既時候,
我聽到有一個人講, “你見唔見到頭先o個個女仔對住我講野同笑呀…?!?!?!”
救命呀!!! 我諗我都係要收歛d先!!!
識我o既人都知, 我唔係特別鍾意打機… ….
由細到大, 都只係買過game boy (重要係第一代, 灰色o個隻),[我仲記得係因為考試成績好先有]
屋企都未買過其他遊戲機…從來都只係會去親戚朋友屋企玩… …
但係有一隻game 由細到而家我都有玩… 就係我最鍾意o既” 孖寶兄弟”喇!!! : )
而孖寶亦都係我唯一打爆過o既game … !!! (真係失禮咁大個人都只係爆過一隻game…)
我諗game boy 個隻孖寶我起碼爆過30次以上… … 因為game boy 我只係有過兩隻game
(一隻係孖寶, 另外一隻係俄羅斯), 所以以前兩隻都比我打到熟哂… : )
咁多隻孖寶, 我都係最鍾意紅白機o既孖寶I… 可能係先入為主啦!!!
(p.s.二來,我係唔識玩3d 孖寶game, 鑑於我有立體閉塞症…哈哈)
我成日都覺得人生有d似mario,
一開始就有使命有目標… …
又要救到公主, 又要係咁對付d怪獸,
又要搵多d錢, 又要避過d陷阱,
有時又會兜兜轉轉, 有時又會好易過關
但係無論幾辛苦, 沿途o既風光都好精彩, 每一步都由自己話事, 由自己承擔… …
希望, 我可以好好享受呢個過程, 最後救到公主啦….!!! : )
最近聽返MP3… … 其中個playlist 裡面成日聽o既就有呢兩首講朋友o既歌… …
每次聽o既時候,個心就o係度數, … … ….
究竟自己有幾多個係”好兄弟“, 有幾多個係”最佳損友“… …
結果答案… … 真係令人啟發同反思… … !!!
好鍾意呢幾句：
好兄弟
好好睇睇好好睇睇 有今生冇來世 天空海闊點少得..喂 好兄弟
最佳損友
卻沒人像你讓我 眼淚背著流 嚴重似情侶 講分手
來年陌生的 是昨日 最親的某某 總好於那日我沒有 沒有 遇過某某
今日食完飯大老闆搵左我傾左成個鐘頭計… …
我居然同佢講哂我d concerns 同不滿 … …
(我都冇諗過咁夠膽一次過同佢講咁多, 不過, 我只係同佢講事實, 又冇針對某d人)
其實, 我真係好多謝佢用左咁多時間開解同鼓勵我… … : )
仲有最難得o既係佢仲肯教我做人應該點睇野, 點做生意… … [真係袋左唔少$$$落我袋: ): )]
講真, 呢d老闆o係邊度搵呀…!!!
的確, 如果唔係佢, 我諗我已經走左好耐luuuuuu
現實就係咁, 成件野唔會part part 都fit 你… 硬係有d野唔係咁完美… …!!!
究竟我要放大鐘意o既地方, 然後縮細唔鐘意o既地方
定抑或去追尋一個更完美o既地方呢?!?!?!
真係有待思考同發掘… …
最後, 佢同我講:
There is no Right or Wrong Decision. Only Action Matters.
Life is primarily composed of Love, Imagination, Faith and Enjoyment which we have to integrate them into our daily lives in a harmouns way.
鍾意Burberry 由一個好多年前o既廣告開始… … 一個睇到我眼濕濕o既廣告… …
[個廣告應該至少有12年, 差唔多成分鐘咁長, 有一個爺爺, 有一個孫, 有一個家, 有一個草原]
真係好鍾意佢o既monogram design… 簡單…交錯…有序…自然…型格!!!
兜兜轉轉都係佢最得我歡心 : )
其實我唔係好算一個愛名牌o既人… 但係我都會成日買burberry o既野 
我就最鍾意classic o既Burberry, blue label 就just ok… …
心水:最鍾意Burberryo既Trench Coat…!!!
我決定由而家開始…
會好細心咁留意下自己… … 明白下自己… …感受下自己… …
一切就由喜惡開始… …
=>我會每個星期都諗下o係唔同範疇究竟自己最鍾意d乜… …
大家有興趣可以一齊share下呀
今日Bryan 過左黎搵我食飯 … …
諗返起… 原來我真係好耐冇見過佢… ….
哈哈… 我地係咁傾係咁傾… … 差唔多食左2個鐘頭lunch … …
老朋友o既感覺真好!!!
P.S. 今日突然間發覺佢好似長大左, 生性左… … 嘻嘻 : )
今晚雖然失禮左同樣衰左, 但係真係學到好多野… …!!!
我真係好少比人串完都心服口服… …仲想多謝佢!!!
你真係得o既!!!
努力呀…jess!!! 你一定會成功o架!!! : )
Personal Notes:
- 1st A, then B, final ->
- FOCUS
- PAUSE
- No RECAP
呢幾日返到屋企冇得用電腦… … 皆因部機o既hard disk crash 左… …
Ohh… Nooooooooooooooooo!!!
好多野都唔見左… …. [唔制呀!!! ><]
不過呢d野冇得怨…都係衰在自己唔記得做backup… …
歷史重演又重演 … 有時好彩…有時唔好彩… …只不過今次係冇咁好彩… …
其實, 今次o既心情好奇怪……
以前o既我一定會超唔開心, 超憤怒….因為唔見左好多心血野….
但係今次我好鬼豁達, 仲同自己講唔哀過一鋪勁o既我都唔識死… …
正所謂針唔拮到肉唔知痛… …
it’s a good chance to learn from real experience….though it costed pretty much !!!
有時d野就係既然唔可以改變, 真係唔開心都冇謂 … … 都豁達d好d… …
最後, 我同自己講左一句: 都冇乜咁大不了呀…!!!
近排o係度執拾緊my documents… …
發現左一張我覺得好懷念同好爆笑o既相片… …
諗起o個陣時o既我地同而家o既我地… …
真係別有一番感受…
P.S. 尤其係阿chris, 同阿so chun… 真係爭d笑死我!!! : )
今晚由灣仔坐船去尖沙咀返屋企途經文化中心o既時候… …
梗係忍唔住入去望下有乜紀念品啦… …
居然…俾我見到phantom o既面具 cross over Links of London…
仲要係限量300條, 我梗係唔會忍得到手啦…
結果…用左3秒o既時間決定拎佢返屋企… yeah!!!
冇辨法啦… … 繼”DYRBERG/KERN”之後, 呢期我真係好鍾意”Links of London”
今晚咁都見到…唔買真係好對唔住自己…嘻嘻!!
哈哈… 好enjoy… : )
個感覺真係好似”又食又拎”…
果然不枉我連眼都唔眨就比左萬幾蚊… … $_$
P.S. 另外又再一次感覺到: 世界真係好細… … 關係真係好微妙… …
突然間好想好想去旅行… … 放工一路返屋企就一路諗…
好想去散心, 去叉電, 去影相, 總之好想要去旅行o既感覺… …
復活島係我一個一直以黎都好恨去o既地方… …
唔知點解, 每次見到復活島d大石頭相片,
就覺得佢地好似係我d好朋友咁… … 仲要好似係識左好耐個隻… …
我真係好想去探佢地呀… 好想去篤下佢地呀…!!!
不過, 我諗我呢幾年內都唔會去到… …
所以希望今晚發夢見到佢地啦… : )
p.s. 如果可以o係夢裡面攬實佢地就更PERFECT喇… …
Fatalism
Losers deteremine to lose while Winners determine to win with the fact that they both are the followers of Self-Fulfilling Prophecy.
宿命
一念可造就大業,亦可成就失敗
P.S.
正如意大利咪又可以o係12碼羸波打破宿命
Someone made a mistake in 1998
but the team created a success in 2006
真係不枉我捱眼訓(今日又冇請假) 睇哂全場 …!!!
今朝聽903聽到呢首歌… …
好正… … 好耐冇聽到佢地把聲…好想今晚返屋企即刻搵返哂d CD出黎聽… …
因為呢首歌, 諗返起以前好多野 … …
一d唔會刻意忘記, 但又唔會成日諗起o既事… …
諗諗下, 發現原來我呢幾年好似冇乜點鍾意d新歌… …
係因為冇時間聽新歌?! 冇好歌?!
定係自己冇左d 以前好豐富而家遺失左o既野呢?!?!?!
呢幾日o係度執拾 My Documents o既時候 (估唔到我o既書櫃同我電腦o既folders係一樣咁亂),
發現o係2003.04.29 自己寫低睇完8 mile o既感想,
再一次睇返, 又諗返起d野… …
我唔知如果再睇返套戲有乜野新體會… 但係原來3年前我o係咁諗野…
